سلامات يا الزمزمي الموضوع جميل وشيق ..جدا زي ما ذكرت انو اغلب الاغنيات بتاخد مسميات خطا ..
وعلى حسب وجهة نظري انو معظم الاغنيات السودانية اشتهرت بمقاطع او جملة او كلمة معينة في الاغنية
ومرات بتلقى الاغنية اشتهرت باسم من خلال ونسة عامة ... على سبيل المثال ..
ياخ الاغنية بتاعت عثمان الشفيع بقول فيها يوم قالوا لي الاقمار عليما وهي اساسا اسمها عيدالكواكب
او مثلا اغنية زمان الناس هداوة بال ..وهي اسمها غربة للفنان عبدالكريم الكابلي
ودائما في السودان بكون التركيز على الفنان اكثر من الشاعر وقد يكون اخذ اسم الاغنية من صحفي كتب عنها
المسالة دي بتعمل ليك اخطاء كثييرة في المنتدى وبتعمل تكرار ما اعتيادي .. وما محتاجة لي جهد كبير مجرد بحث بسيط
لكن بطبعنا بنحب الساهلة
انت عارف مرات بتلاقيني اغاني مسمية نفس الاسم ومضمونها مختلف .. نفس الفنان
الموضوع شائك .. نتمنى انو نسمع اراء الناس برضو ..
لك التحية على طرح الموضوع .. زاتو عشان نعرف البلخبط
ونواصل...