اذهب الي المحتوي
mamduoh

رسالة إلي جميع الأعضاء

Recommended Posts

بسم الله الرحمن الرحيم

السادة اعضاء مزيكا الكرام السلام عليكم و رحمة الله و بركاته

منذ فترة وجيزة قامت الأدارة بتطبيق مبدأ جديد وهو مبدأ عدم الوصول إلى المرفق المصاحب للموضوع إلا بعد أن يرد العضو على الموضوع و لكن و للأسف و من خلال مراجعتنا للردود وجدنا ان هنالك عدد من الأعضاء يقومون فقط بالرد من اجل الوصول الى المرفق و كانت ردودهم خالية من اي نوع من التفاعل الذي كنا ننشده من خلال تطبيق هذا المبدأ و الذي كانت الغاية منه حث الاعضاء على التفاعل و المشاركة في تحقيق الهدف الذي من اجله قام هذا المنتدى وهو التوثيق للفن السوداني بشكل خاص و الثقافة السودانية بشكل عام .وللاسف و جدنا ايضا ان هنالك عدد من الاعضاء يعتبرون ان الشبكة السودانية للوسائط المتعددة هي عبارة عن مستودع للاغاني السودانية يستطيعون ان ياخذوا منها كلما يشاءون وقتما يشاءون . و عليه نود ان نحذر و بشدة من كتابة الردود التي تكون فقط من باب التحايل للوصول الى المرفقات مثل تكرار نفس الرد في اكثر من موضوع وكذلك نوعية الردود على شاكلة مشكووووووووور و يسلموووووووووو و كل ما كان على هذا المنحى .و اي عضو يسلك هذا المسارسيتسبب في إيقاف عضويته بنفسه و لا تقبل في ذلك أي شفاعات و هذا بمثابة أعلام لكل أعضاء الشبكة السودانية للوسائط المتعددة فتخيّر أن تكون ردودك ذات مغزىً واضحاً حتى إذا قرأها القارئ ، قرأ شخصك من خلالها فاكتب بحبر الجمال كي يقرأك الناس بعين الجمال . نكرر للمرة الأخيرة لا تكن سبباً في إيقاف عضويتك .

إدارة و مشرفي الشبكة السودانية للوسائط المتعددة

شارك هذه المشاركه


رابط المشاركه
شارك

أخى الفاضل لك تحياتنا وشكرنا على المجهود المبذول من القائمين . وكما قلت الغاية منه حث الاعضاء على التفاعل و المشاركة في تحقيق الهدف الذي من اجله قام هذا المنتدى وهو التوثيق للفن السوداني بشكل خاص و الثقافة السودانية بشكل عام . مش عارف العضو يقول أو يكتب قبل الأستماع أو المشاهدة ايه افتكر لابد من مشاهدة والأستماع وبعدها أضيف رأى.. نرجوا بأسمى وبأسم الأعضاء النظر فى هذا الموضوع فى كيفية ابدا الرأى قبل النظر فيه . ولانطبق قول الكلام اللى بيقول ( نبيع سمك فى ميه ) وشكرا ...

شارك هذه المشاركه


رابط المشاركه
شارك

السلام عليكم

فعلا فكره حلوه خالص ومن المفترض كل الاعضاء يشاركو وانا بايد راي الاخ atefgafar انو الناس لازم تسمع اول ممكن تخلو فرصه الواحد يسمع وما يقدر يحمل الا بعد الرد

شارك هذه المشاركه


رابط المشاركه
شارك

ولانطبق قول الكلام اللى بيقول ( نبيع سمك فى ميه ) وشكرا ...

الأخ عاطف

تحياتي ياغالي .. السمك في الميه الزمن ده بينباع ياغالي ..

ممكن ياغالي الرد يكون على شاكلة ..

معلومة عن الأغنية ( الشاعر الملحن المؤدي الأصلي للأغنية .. كلمات الأغنية .. أي معلومة أو قصة الأغنية .. )

عارف ياعاطف أتوقعت أنك تكون أخر واحد يكتب الكلام ده وأتوقعت من قبل ما أخونا ممدوح يكتب البوست أنو في أعضاء يقولوا الكلام ده . بس منك أنت .. ماهقيته ( دي بالسوداني ) يعني بالعربي ما أتوقعتها .. ياراجل أنت قبل يوم واحد بس كاتب بوست طويل عريض عن حفظ حقوق الشعراء والملحنين .. أتخيل لي دي أفضل طريقة علشان نحفظ حقهم ونوثق لأعمالهم .. بأنو نذكرهم في المشاركات الماموجودين فيها أو على الأقل كلمات أغانيهم أو على الأقل من هو المؤدي الأصلي للأغنية .. ومن أداها أيضاً من الفنانين الأخرين ( في حالة أنو المؤدي ليس هو صاحب الأغنية ) ..

حيجيني واحد من الأعضاء يقول من وين المعلومات ..؟؟ المعلومات ياأخوانا .. من هنا من عندنا نحنا .. في منتدى كبييييييييييييير لكلمات الأغاني وفي منتدى أكبر منو للأغاني نفسها وأي معلومة ناقصة في محرك قوقل .. أكان عندنا وله محرك قوقل العام .. بيديك أي حاجة عن أي شي .. بس أنت أكتب إسم شاعر أغنية ... أو ملحن أغنية .. أو كلمات أغنية .. أو ي أي حاجة دالة على المعاني دي .. وبرضو في الحالة دي االعضو بيكسب وأنت بتكسب ..

أتمنى ياعاطف أن الفكرة تكون وضحت ليك وللأخوة الأعضاء وبالجد أنحنا عاوزين نتعاون مع بعض علشان نوثق ونساعد الأجيال البعدنا أنو يلقوا ليهم معلومات كافية ووافية عن أي أغنية أو أي شي سوداني بيفتشوا عنه .

مع تقديري وودي ومحبتي

شارك هذه المشاركه


رابط المشاركه
شارك

. مش عارف العضو يقول أو يكتب قبل الأستماع أو المشاهدة ايه افتكر لابد من مشاهدة والأستماع وبعدها أضيف رأى.. نرجوا بأسمى وبأسم الأعضاء النظر فى هذا الموضوع فى كيفية ابدا الرأى قبل النظر فيه . ولانطبق قول الكلام اللى بيقول ( نبيع سمك فى ميه ) وشكرا ...

الاخ الكريم لا توجد طريقة لجعل من قام بتحميل المرفق بالرد على الموضوع و يمكنك ان تتاكد بنفسك راجع اى اغنية ستجد عدد مرات التحميل بالمئات و الردود لا تتجاوز اصابع اليد الواحدة ان لم تكن معدومة و عليه ارى ان كلامك قد تم استخدامه بالفعل و اثبت عدم جدواه لذلك لجانا لهذا الحل حتى نرى التفاعل المطلوب من الاعضاء.

شارك هذه المشاركه


رابط المشاركه
شارك

الأخ عاطف

تحياتي ياغالي .. السمك في الميه الزمن ده بينباع ياغالي ..

ممكن ياغالي الرد يكون على شاكلة ..

معلومة عن الأغنية ( الشاعر الملحن المؤدي الأصلي للأغنية .. كلمات الأغنية .. أي معلومة أو قصة الأغنية .. )

عارف ياعاطف أتوقعت أنك تكون أخر واحد يكتب الكلام ده وأتوقعت من قبل ما أخونا ممدوح يكتب البوست أنو في أعضاء يقولوا الكلام ده . بس منك أنت .. ماهقيته ( دي بالسوداني ) يعني بالعربي ما أتوقعتها .. ياراجل أنت قبل يوم واحد بس كاتب بوست طويل عريض عن حفظ حقوق الشعراء والملحنين .. أتخيل لي دي أفضل طريقة علشان نحفظ حقهم ونوثق لأعمالهم .. بأنو نذكرهم في المشاركات الماموجودين فيها أو على الأقل كلمات أغانيهم أو على الأقل من هو المؤدي الأصلي للأغنية .. ومن أداها أيضاً من الفنانين الأخرين ( في حالة أنو المؤدي ليس هو صاحب الأغنية ) ..

حيجيني واحد من الأعضاء يقول من وين المعلومات ..؟؟ المعلومات ياأخوانا .. من هنا من عندنا نحنا .. في منتدى كبييييييييييييير لكلمات الأغاني وفي منتدى أكبر منو للأغاني نفسها وأي معلومة ناقصة في محرك قوقل .. أكان عندنا وله محرك قوقل العام .. بيديك أي حاجة عن أي شي .. بس أنت أكتب إسم شاعر أغنية ... أو ملحن أغنية .. أو كلمات أغنية .. أو ي أي حاجة دالة على المعاني دي .. وبرضو في الحالة دي االعضو بيكسب وأنت بتكسب ..

أتمنى ياعاطف أن الفكرة تكون وضحت ليك وللأخوة الأعضاء وبالجد أنحنا عاوزين نتعاون مع بعض علشان نوثق ونساعد الأجيال البعدنا أنو يلقوا ليهم معلومات كافية ووافية عن أي أغنية أو أي شي سوداني بيفتشوا عنه .

مع تقديري وودي ومحبتي

الاخ الغالي هيثم

الكلام حلو شديد ومشي في نفس الفكرة بتاعت التوثيق لششاعر وملحن وكلمات الاغنية

لكن..

الكلام دا كلو وصل لغاية عشر ردود يعني عشرة اعضاء دخلو واضافو رد ونزلو الاغنية؟

البيجي بعد داك يعمل شنو ؟

هل يعيد الكلام تاني ؟ ولا انتو حتدخلو طوالي تحفو الردود وتخلو الاعضاء من الاول يعيدو الحكاية ؟ دا بفتراض انو الحيجو بعد الحذذف دا حيفهمو انهم يعملو كدا

ولا المعالجة كيف؟

لاحظ معاي انو الكلام دا ممكن ينكتب في في الاغاني البتستاهل الكلام فيها

لكن الاغاني take way الممكن يتقال فيها اكتر من سطر شنو ؟

انا ما حبيت اني امسح اي كلمة من الاقتباس على اساس الرد يكون طوالي عليها

شارك هذه المشاركه


رابط المشاركه
شارك

الفكرة جميلة يا هيثم لكن تحقيقها قد يبدو صعبا بعض الشي كما قالت الاخت جنان قد تكون المعلومات عن المرفق محدودة وقد يكتبها عضو واحد اذن ماذا سيفعل باقي الاعضتاءهل يكررو نفس المعلومة ام يحرمو ا من الاستماع للمرفق الامر في رأي يحتاج الي اعادة نظرمع ملاحظة عدد الاعضاء المسجلين في هذا الموقع هل مطلوب منهم جميعا جلب معلمومة عن المرفق لكي يستطيعوا ان يستمعوا الي الاغنية او المادة المرفقة

تحياتي الي الادارة والمشرفين لكل ما يبذلوه من جهد لتطوير هذا الموقع الرائد

شارك هذه المشاركه


رابط المشاركه
شارك

الاخوة حنان و محمود فى رد الاخ هيثم مجرد مثال و ليس هو كل ما يمكن كتابته فى الردود.

الاصل فى هذه المسالة هو التفاعل مع كاتب الموضوع و تقديم الشكر له على المجهود الذى قام به فى اعداد المادة بحيث يمكنك ان تشكره على ما قدم او تكتب رايك عن الفنان او ما تمثله لك الاغنية و غيرها الكثير. المهم ان يكون كلام له معنى و مفيد

شارك هذه المشاركه


رابط المشاركه
شارك

السلام عليكم وأنتم فى نقاشات و حوارات هادفة للوصول الى الطريقة المثلى للردود المفيدة والهادفة . انا بتفق مع رأى الاخ محمد فاضل حول امكانية الاستماع الى الاغنية قبل التحميل وهل فى طريقة انو تتعمل بالطريقة دى السؤال موجه الى الاخوة المشرفين والاداريين .وانا بعتقد انو الواحد بعد ما يستمع الى الاغنية ممكن الناس تتناقش فى كلمات الاغنية او اداء الفنان وغيرها . وبهذه النقاشات ممكن للردود ان تكون بمثابة إشادة أو نقد هادف للاغنية .

شارك هذه المشاركه


رابط المشاركه
شارك

الاخوة و الاخوات الافاضل

تحية طيبة

اساسا الاغنية بتنزل كانت قبل اي رد و دة طبعا حاجة بدهية , لكن علي مدي السنين لاحظنا ملاحظتين

اولا - ليس هناك تفاعل بتاتا مع المشارك بل الاعضاء بيحملو الاغنية و يختفوا بدون حتي كلمة شكر إلا القليل

و هذا ينسحب علي كل الاعضاء

ثانيا - بعض الاخوة الاعضاء و انا منهم قد لا يجدوا أغاني للمشاركة , لذا نحونا لنجعل الموقع

قبلة إجتماعية للسودانيين للتعارف و شبكة إجتماعية مكتملة

طلبنا من الاعضاء و اجبرناهم في بعض الاحايين ان يكملوا معلوماتهم الشخصية

و ان تكون الترقيات و فتح ابواب الموقع علي حسب تفاعلك مع خدماتنا التي نقدمها

كما طلبنا منهم ان يشاركوا في انحاء الشبكة بكتاب , او صور , او المشاركة بالبومات خاصة او عامة و بناء صداقات و الدخول في حوارات هادفة بعيدا عن التشنج و في جو اسري

فكرتنا دائما تقديم شبكة متكاملة تجعل من العضو يستمتع بوجوده و بفضلنا علي كل

المواقع السودانية و الاجنبية و ذلك بتقديم اخر الخدمات التقنية و محاولة التثقيف

و مشاركة المعلومات بين كل الاعضاء

هذا هدفنا و بضع دقائق لاظهار عرفانك لكل التعب الذي يقوم به العضو من تحويل انساق و

تحميل اغنية يجعل من بقاءك بيننا ذو فائدة لكل الاطراف

شارك هذه المشاركه


رابط المشاركه
شارك

السلام عليكم وأنتم فى نقاشات و حوارات هادفة للوصول الى الطريقة المثلى للردود المفيدة والهادفة . انا بتفق مع رأى الاخ محمد فاضل حول امكانية الاستماع الى الاغنية قبل التحميل وهل فى طريقة انو تتعمل بالطريقة دى السؤال موجه الى الاخوة المشرفين والاداريين .وانا بعتقد انو الواحد بعد ما يستمع الى الاغنية ممكن الناس تتناقش فى كلمات الاغنية او اداء الفنان وغيرها . وبهذه النقاشات ممكن للردود ان تكون بمثابة إشادة أو نقد هادف للاغنية .

عملية استماع الاغنية قبل التحميل هي نفسها عملية التحميل ..لانك اصلا ما بتقدر تسمع الاغنية الا اذا حملتها و التحميل ما بالضرورة يكون عن طريق حفظ الهدف باسم او save target as مجرد الضغط على الرابط يعني التحميل .لان المتصفح يقوم بتحميل الاغنية مباشرة سواء كنت عايز تسمعها من خلال المتصفح او تحفظها في جهازك و بكدة بيكون من السهل جداً الحصول عليها لانه المشغل البتسمع بيه حيوفر ليك خيار الحفظ غصبا عن المنتدى عشان الاغنية بتكون اتحملت سلفا في الذاكرة المؤقتة وبكدة بتكون قدرت تحصل على الاغنية بدون وضع اي رد .

انشاء الله تكون الفكرة وضحت يا احمد

شارك هذه المشاركه


رابط المشاركه
شارك

الاخ الغالي هيثم

الكلام حلو شديد ومشي في نفس الفكرة بتاعت التوثيق لششاعر وملحن وكلمات الاغنية

لكن..

الكلام دا كلو وصل لغاية عشر ردود يعني عشرة اعضاء دخلو واضافو رد ونزلو الاغنية؟

البيجي بعد داك يعمل شنو ؟

هل يعيد الكلام تاني ؟ ولا انتو حتدخلو طوالي تحفو الردود وتخلو الاعضاء من الاول يعيدو الحكاية ؟ دا بفتراض انو الحيجو بعد الحذذف دا حيفهمو انهم يعملو كدا

ولا المعالجة كيف؟

لاحظ معاي انو الكلام دا ممكن ينكتب في في الاغاني البتستاهل الكلام فيها

لكن الاغاني take way الممكن يتقال فيها اكتر من سطر شنو ؟

انا ما حبيت اني امسح اي كلمة من الاقتباس على اساس الرد يكون طوالي عليها

لو رد الوليد كفاكي .. خلاص مافي داعي أرد ليك ولكن .. انا عااااااااااااااااااااااااارفك .. ينطبق عليك البيقنع الديك ( وأكيد ما أنتي ) ..

يا نوني والأخوة الأعضاء .. أمشوا وأختاروا أي أغنية فيها حوالي 10 أو 20 رد .. وأدوني معلومة واحدة طلعتو بيها عن الأغنية دي من الردود .. أنا أقترحت عليكم فوق وبقول ليكم تاني أنو من الأفضل الواحد يعمل كده .. يعني هسه أنا جيت لقيت نوني منزله أغنية ما عندي عنها اي معلومة فبالتأكيد من الذوق أنو أقول لي حنان تشكري ياحنان على الروعة دي ومنتظرين جديدك وتسجيل جيد .. وأدي رأي عن الأغنية أو الفنان على الأقل .. يعني على الأقل بعمل لي سطر ليها ..

بس البيجي يقول لحنان مشكووووووووووووووووووووووووووووووووووووووور .... يعني موش مشكوررررررررررررررررررررة .. لا مشكوررررررررررررررررررررررررررررر .. ده معناتهو شنو ؟؟ معناتو هو ماعارف مين النزل اأغنية علشان يشكروا وماعندو دخل أهتمام يعرف أو يشكرو له لا بس عاوز يعمل جف نف ويتخارج .. معليش على دي بس ده الفهم البيكون متولد عند الزول التعب ونزل الأغنية .. أقول ليكم حاجة .. تكاليف تنزيل أغنية واحدة من شريط في المملكة العربية السعودية بيعادل 50 ريال سعودي .. موش من الأفضل أنو الزول التعب ده يقولوا ليهو شكراً لأنو المنتدى مابيدفع للناس البينزلو الأغاني .. ولو عاوزين تفصيل .. أقلاها الليموزين ماش وجاي .. بس بـ 30 ريال والباقي حق الشريط ولوازمو ..

يعني المعلومات لوكملت .. كلام الشكر مابيكمل بس ما بالطريقة دي وهمنا أنو المعلومات تتوثق وبعد داك الأغاني بتكون ساهلة للكل .

أها يانوني وقع ليك وله لسه ...

انا ما حبيت اني امسح اي كلمة من الاقتباس على اساس الرد يكون طوالي عليها

شارك هذه المشاركه


رابط المشاركه
شارك

انسب رد مفروض يكون عن الشاعر او الملحن او كتابة القصيدة لانو الردود من النوع دا هى بتكون عبارة

عن توثيق فى المقام الاول وكاتب الرد بكون شارك فى التوثيق ..

تانى ممكن يجى الشكر او اى حاجة اضافية تانية , ياريت الاعضاء يركزو على النموذج الاول من الردود

فى حالة يكون مافى اى معلومة عن الاغنية زى ما اقترحنا فى بوست اهمال للشعراء والملحنين ..

شارك هذه المشاركه


رابط المشاركه
شارك

عملية استماع الاغنية قبل التحميل هي نفسها عملية التحميل ..لانك اصلا ما بتقدر تسمع الاغنية الا اذا حملتها و التحميل ما بالضرورة يكون عن طريق حفظ الهدف باسم او save target as مجرد الضغط على الرابط يعني التحميل .لان المتصفح يقوم بتحميل الاغنية مباشرة سواء كنت عايز تسمعها من خلال المتصفح او تحفظها في جهازك و بكدة بيكون من السهل جداً الحصول عليها لانه المشغل البتسمع بيه حيوفر ليك خيار الحفظ غصبا عن المنتدى عشان الاغنية بتكون اتحملت سلفا في الذاكرة المؤقتة وبكدة بتكون قدرت تحصل على الاغنية بدون وضع اي رد .

انشاء الله تكون الفكرة وضحت يا احمد

مشكور اخونا خطوات على الشرح الوافى الكافى سلمت يداك ياخى وانشا الله يا اخوى لا تفوت لا تموت " دعوة حبوبات و كدة "

شارك هذه المشاركه


رابط المشاركه
شارك

هههههههه مشكوووووووور

أها ياجماعة ده مثال للردود الغير موضوعية والبتؤدي إنو نوقف صاحبه :diablo: .. الناس في شنو والزول ده في شنو .. يعني الضحك ليه ومشكووووووووووور دي لى شنو .؟؟؟؟

يافوكس .. مامنتظر ردك بس أنت حتعرف ردنا على ردك ..

شارك هذه المشاركه


رابط المشاركه
شارك

كدا الفهم وقع جد يا ودلبيب

ومافي داعي للهرشة لي :sorry:

انا عايزة افهم زي ما بقية الاعضاء عايزين يفهمو بس مافي اي دخل للديك والجداد هنا

وما زيادة رد

لكن..

بالجد مشكورين يا مشرفي وادارة مزيكا وانتو بتصرو على انكم تكونو في موقع همزة وصل وتواصل بين كل الاعضاء

ولو بالكلمة المكتوبة بس

:good:

شارك هذه المشاركه


رابط المشاركه
شارك

بسم الله الرحمن الرحيم

السادة اعضاء مزيكا الكرام السلام عليكم و رحمة الله و بركاته

منذ فترة وجيزة قامت الأدارة بتطبيق مبدأ جديد وهو مبدأ عدم الوصول إلى المرفق المصاحب للموضوع إلا بعد أن يرد العضو على الموضوع و لكن و للأسف و من خلال مراجعتنا للردود وجدنا ان هنالك عدد من الأعضاء يقومون فقط بالرد من اجل الوصول الى المرفق و كانت ردودهم خالية من اي نوع من التفاعل الذي كنا ننشده من خلال تطبيق هذا المبدأ و الذي كانت الغاية منه حث الاعضاء على التفاعل و المشاركة في تحقيق الهدف الذي من اجله قام هذا المنتدى وهو التوثيق للفن السوداني بشكل خاص و الثقافة السودانية بشكل عام .وللاسف و جدنا ايضا ان هنالك عدد من الاعضاء يعتبرون ان الشبكة السودانية للوسائط المتعددة هي عبارة عن مستودع للاغاني السودانية يستطيعون ان ياخذوا منها كلما يشاءون وقتما يشاءون . و عليه نود ان نحذر و بشدة من كتابة الردود التي تكون فقط من باب التحايل للوصول الى المرفقات مثل تكرار نفس الرد في اكثر من موضوع وكذلك نوعية الردود على شاكلة مشكووووووووور و يسلموووووووووو و كل ما كان على هذا المنحى .و اي عضو يسلك هذا المسارسيتسبب في إيقاف عضويته بنفسه و لا تقبل في ذلك أي شفاعات و هذا بمثابة أعلام لكل أعضاء الشبكة السودانية للوسائط المتعددة فتخيّر أن تكون ردودك ذات مغزىً واضحاً حتى إذا قرأها القارئ ، قرأ شخصك من خلالها فاكتب بحبر الجمال كي يقرأك الناس بعين الجمال . نكرر للمرة الأخيرة لا تكن سبباً في إيقاف عضويتك .

إدارة و مشرفي الشبكة السودانية للوسائط المتعددة

والله كلام زي الدهب لاكن برضو السبب انتو المفروض تكون قوانين المنتدي اسهل من كده الواحد لو عايز يعمل اي حاجه بيلقى 50 قانون قدامو وفي ناس بتزهج

شارك هذه المشاركه


رابط المشاركه
شارك

و الله احنا بنحاول نسهلها , و كمان نحافظ علي جهد الناس القدمته للمنتدي

احنا بالظبط عندنا حوالي ٥٠ الف مادة مسجلة و اول موقع للاغاني بهذا الحجم

ما في غيرنا و كل المواقع التانية بتاخد مننا علشان كدة و علشان نحافظ علي التميز بنكون شوية صعبين , احنا بيهمنا في المقام الاول المشاركة

و انوا الناس تعرف احنا ما مخزن اغاني احنا شبكة اجتماعية ثقافية بنحاول نبني صداقات و نكون تجمعات بين السودانيين

و دمت و مرحب بيك في المنتدي

شارك هذه المشاركه


رابط المشاركه
شارك

والله كلام زي الدهب لاكن برضو السبب انتو المفروض تكون قوانين المنتدي اسهل من كده الواحد لو عايز يعمل اي حاجه بيلقى 50 قانون قدامو وفي ناس بتزهج

نحن زيك لما جينا المنتدى ده لقينا قوانين اصعب من كدة بكتير و مع كدة التزمنا بيها بعد ما اقتنعنا بالهدف من وراها

عشان كدة لابد انت كمان تلتزم بالقوانين الموجودة حاليا و انا شايف انها اسهل من زمان بنسبة 90% و الزول البزهج ده يمشي يشتري الشريط و اسمعه ..العضو الرفع الغنية دي ما رفعها بالساهل برضو مشى اشتراها ليك و تعب فيها و جاء رفعها هنا .

شارك هذه المشاركه


رابط المشاركه
شارك

بجد صحيح والله وانا واحد من الناس الكنت برد بنفس العبارات لكن والله ما كنت عارف القوانين هذه

بس من الان وصاعدا انشاء الله حارد بطريقه يليق بها الموضوع اما عن الردود الماضيه فانا بجد

اسف شديد الاسف وربنا يوفقكم وانا عن نفسي شاكر جزيل الشكر لبزل مجهودكم

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

جاري التحميل

  • مشاركات

    • من أحب أن تسره صحيفته فليكثر فيها من الأستغفار ..

    • قصة الحب اعمى .. 

      في قديم الزمان 

      حيث لم يكن على الأرض بشر
      بعد .... 

      كانت الفضائل والرذائل.. تطوف العالم معا".. 

      وتشعر بالملل
      الشديد.... 

      ذات يوم... وكحل لمشكلة الملل المستعصية... 

      اقترح
      الأبداع.. لعبة.. وأسماها الأستغماية.. أو الطميمة.. 

      أحب الجميع الفكرة... 

      وصرخ الجنون: أريد أن أبدأ.. أريد أن أبدأ... 

      أنا من سيغمض عينيه
      .. ويبدأ العدّ... 

      وأنتم عليكم مباشرة الأختفاء.... 

      ثم أنه اتكأبمرفقيه..على شجرة..
      وبدأ... 

      و احد... اثنان.... ثلاثة.... 

      وبدأت
      الفضائل والرذائل بالأختباء.. 

      وجدت الرقة مكانا لنفسها فوق القمر.. 

      وأخفت الخيانة نفسها في كومة زبالة... 

      دلف الولع... بين الغيوم.. 

      ومضى الشوق الى باطن الأرض... 

      الكذب قال بصوت عال: سأخفي نفسي تحت
      الحجارة.. ثم توجه لقعر البحيرة.. 

      وا ستمر الجنون: تسعة وسبعون...
      ثمانون.... واحد وثمانون.. 

      خلال ذلك أتمت كل الفضائل والرذائل تخفيها...
      ماعدا الحب... 

      كعادته.. لم يكن صاحب قرار...
      وبالتالي لم يقرر أين يختفي.. 

      وهذا غير مفاجيء لأحد... فنحن نعلم كم هو صعب اخفاء الحب.. 

      تابع
      الجنون: خمسة وتسعون....... سبعة وتسعون
      .... وعندما وصل الجنون في تعداده
      الى: مائة 

      قفز الحب وسط أجمة من الورد.. واختفى بداخلها.. 

      فتحالجنون
      عينيه.. وبدأ البحث صائحا": أنا آت اليكم.... أنا آت 

      اليكم.... 

      كان الكسل أول من أنكشف...لأنه لم يبذل أي جهد في إخفاء نفسه.. 

      ثم
      ظهرت الرقّة المختفية في القمر... 

      وبعدها..
      خرج الكذب من قاع البحيرة مقطوع
      النفس... 

      واشار على الشوق ان يرجع من باطن الأرض... 

      وجدهم الجنون
      جميعا".. واحدا بعد الآخر.... 

      ماعدا الحب... 

      كاد يصاب بالأحباط
      والبأس.. في بحثه عن الحب... حين اقترب منه الحسد 

      وهمس في أذنه: 

      الحب مختف في شجيرة الورد... 

      التقط الجنون شوكة خشبية أشبه
      بالرمح.. وبدأ في طعن شجيرة الورد بشكل طائش 

      ... 

      ولم يتوقف الا
      عندما سمع صوت بكاء يمزق القلوب... 

      ظهر الحب.. وهو يحجب عينيه بيديه..
      والدم يقطر من بين أصابعه... 

      صاح الجنون نادما": يا الهي ماذا فعلت؟.. 

      ماذا أفعل كي أصلح غلطتي بعد أن أفقدتك البصر ؟... 

      أجابه الحب:
      ... لن تستطيع إعادة النظر لي
      لكن لازال هناك
      ماتستطيع

      فعله لأجلي...
      كن
      دليلي... 

      وهذا ماحصل من يومها....
      يمضي الحب الأعمى... يقوده
      الجنون

    • اشتقت لحضن ياابي

      أبي طاب منامك الطويل، ورحم الله جسدك الذي امتلأ طهراً وغاب عن 
      الدنياربي ارحم أبي تحت الأرض ويوم العرض، يا رب مد له يد رحمتك. كنت ألتجئ لحضنك عندما تضيق بي الدنيا.

      اللهم لا اعتراض في حكمك

      انا لله وانا اليه راجعون

       

    • انا لله وانا اليه راجعون 

      احسن الله عزاءكم اخ هيثم

       

    • العضو الكريمإن موضوعك مخالف لقوانين و ضوابط مزيكاالرجاء قراءة القوانين في الرابط أدناهhttp://www.sudanese.net/index.php?showtopic=91787و مراسلة المشرفين في حالة أي استفسار أو إستخدام خدمة إتصل بناو شكراًالإشراف

×
×
  • اضف...