اذهب الي المحتوي

samandal

V I P
  • Content Count

    2537
  • تاريخ الانضمام

  • تاريخ اخر زياره

  • Days Won

    10

samandal last won the day on January 19 2014

samandal had the most liked content!

السمعه بالموقع

35 Excellent

عن العضو samandal

  • الرتبه
    سمندل

Contact Methods

  • Website URL
    http://NA

Profile Information

  • الجنس
    Female
  • البلد
    USA
  • الهوايات
    NA

اخر الزوار

16455 زياره للملف الشخصي
  1. انا لله وانا اليه راجعون نسال الله ان يسكنه فسيح جنا ته وان يلزم ذويه الصبر والسلوان الاخوان ممدوح و مهند وعادل و الاسرة الكريمة عظم الله اجركم واحسن عزاكم
  2. إنا لله وإنا ليه راجعون اللهم اسكنه فسيح جناتك مع الشهدا والصديقين والهم اهله الصبر والسلوان خالص العزا للاخ عبد المجيد واسرته الكريمة
  3. src="http://sudanese.net/samndal.htm" frameBorder=0 width="100%" scrollbars=yes height=500>
  4. شكرا لك يا lmlm , ومرحب بك بيننا, تحياتي
  5. سلامات Sympatico , يا سلام ..الجماعه قدموا عرض جميل وشامل لمناطق متفرقه من السودان , والجمهور كان متفاعل و مستمتع , شكرا ليك للمشاركه القيمه , تحياتي العطره
  6. المريود سلامات , لمتين دي غايته في علم الغيب
  7. موضوع منقول العنوان: 1995 عاد لمتين؟؟ لوحة مسرحية تأليف تماضر شيخ الدين الكاتب: Tumadir التاريخ: 18-06-2002, 11:24 ص مهداة الى الشقيق هشام شيخ الدين ...يا زول... وهو يقرأ هذا العمل لاول مرة بسبب الفرقة والذى املتهاعلينا ظروف الوطن الجريح وجميع اعضاء المنتدى والملهم الاكبرالشعب السودانى فى نضالوالخرافى ضد القهر والكبت والظلم اسمى عواطف ... ساكنة الثورة... عندى تلاتة وبمشى المكتب ابلتق فيهم قدر الفى استر الحال واغطى العورة مرة طماطم ومرة قميص مرة بطاطس ومرة رغيف قدر ما نسدها هى بتتقدة غايتو رضينا بنمشى المكتب قالو اتلفلفوا اتلفلفنا بى توب بملاية اتكلفتنا قالوا انطموا انطمينا البص بى عشرة البص بى عشرة الفحمة الواحدة بقت بى خمسة وفى الدكان الفول بالدستة العيش مافى سكر مافى الزيت مافى بنزين مافى تراب وعجاجة وحتى المطرة السنة دى مافى وغايتو رضينا بنمشى المكتب ؟وشن المكتب ورق مردوم وفارو قصادو رئيسك كوز ونايبو حرامى غفيرنا جنوبى زى السوط بشوش وبسلم سيد المطعم سمين ومدوعل ومشلخ سلم امين المخزن تاجر يبيع قى السوق الشعبى وشنبو مبرم مراسلة شيوعى ومابتكلم وصنة شديدة شعب مأطر ودوره مقسم صنة شديدة حكاية تهمم وبرضو رضينا بنمشى المكتب لما تمغرب بنفتح تلفزيون امدرمان اقصد تلفزيون الثورة يجوك ناس كدة لابسين اخضر زعلانين منك يهرجوا فيك ويضربوا الرورى ورورورورورك الله اكبر بحمدالله فتحنا جوبا بحمدالله دخلنا الكرمك سودان باميرى طمبرة ماهية مافى سودان ياميرى لابجيبوا سيرة الاستعباد لابجيبو سيرة الاستبداد لاقالوا يوم فلان كتلوه يتموا اولادو وسحلوه (محاكية) والانتاج والعلاج عينك للبشتنة والعولاق وشابكننا انتاج وعلاج خالتى خديجة كجك تتغطى وتقنت ليه وتديو ضهرا -كضب السواد والكهربا تقطع وتسمع جاااااااااااااااك فى جوف الحارة -هى مالكم نعل ماطيبة؟ -الشافعة سهاد وقعت من فوق قصت ضهرا -ضربتا كهربا؟ -هى بسم الله الكهربا قاطعة تكوس فى الشمعة ماشة تكابس للكبريتة الكرسى رماهاا الطين زلقا مامعروف كان كسرت ايدا واظنها ماتت -هى قولن بسم الله هى ماتشوفن تكسى حسن -حسن ياتو؟ حسن ودباشا؟ دة التكسيو واقف يومين عدمان القطرة؟ ماشايفاو قاااعد فى الضللة يفاقق ساى فى الكورة وفى الأسعار وكلام النشرة؟ -هى ترى قامت -انخلعت ساى ماديرين لمة -الليد طيبة بجيبوا بصير وهم طبعا عارقين الخيبة الجاية قروش التكس والبنج المافى واشعة اكس وقايمة مافى -انخلعن ساى وبالحال دة ماشين ساااااااى وبرضو رضينا بنمشى المكتب يوم فى المكتب وزى العادة ولما تسخن وتبقى جهنم بنمشى نقنب تحت الشجرة فى كنيبة كدى وكرسى مكسر وحجر وبلاطة بنقعد نتونس جنب ست الشاى نتكلم يعنى عن حالتنا وحال الدنيا كنت انا ومحمد وسلوى وابراهيم ومعاناالسيد السيد دة ما بنعرفو كويس بجى لى سلوى سلوى مليسة واظنو هو كيسا ابراهيم دة اغبش وساخر محمد طيب وزى متحمس ويعنى كلام اتجدع -لى شهرين ماضقت اللحمة -نحن سنة بناكل قراصة -نحن سخينة -ونحن على الدكوة ترسينا -وعاد لمتين؟ دى انا القلت عاد لمتين وقامت كبرت عاد لمتين محمد فام يتنفض كلو صحى لمتين؟ الجوع كافر الشعب جبان لازم نتحرك ابراهيم حاول يثنيه ومحمد يزيد لازم نتحرك اما السيد ماقال حاجة لكن واضح ما كان راضى وسلوى معاهو تتمحرك وتضحك غايتو كلامنا اتدهده مات جاتنا تلاتة مشينا نكابس للثورات الثورة نص الثورة ظلط عاد الثورات ماكترت ركبت البص فى شمس الضهر البتعرفوها الحر البغلى العرق الجارى ناس تتآكل من آلاما وصمتها قاتل عندها كتمة غايتو ازدحمت بنات افكارى جانى كلامو محمد تانى وجضة فاطنة وناس حلتنا غفيرنا جنوبى وزى السوط بشوش وبسلم وكرش الزول الماسك المخزن وصلت البيت شفعى يتخاتفو فى اللقمة الجيران يتشاحدوا فى الكسرة اللمات خنقاهن عبرة الماسورة العادمة القطرة خليناك يا رش السهلة وخليناك يا زمن المهلة من المغرب نقفل بابنا خلينا زيارت اصحابنا غايتو رضينا مشينا ننوم ونحمدو رب القدرة علينا بعد البينا بنمشى ننوم جونا اتنين الساعة اتنين رجال الليل رجال الغفلة دفرو الباب وكسرو الطبلة -حتمشى معانا -هى ماشين وين؟ -حتمشى معانا -واولادى الراقدين نايمين _حتمشى معانا _واخوانى الما شغالين _حتمشى معانا -وناس امى البيتم من طين حتمشى معانا حتمشى معانا يجابدوا يناتلو حتمشى معان... حتمشى معانا لقيت روحى جوة الزنزانة والله يجيركم من الصمت الفى الزنزانة ومن الوحشة الفى الزنزانة شهرين لازول بسأل لاعارفة الحال دة آخرو متين وبعد شهرين بدا التحقيق جونى اتنين ساقونى لمكتب ضابط معاه اتنين ساقونى لمكتب تانى فتحوا الدفتر وزى الاسد الضابط ينتر -عندى معلومات هنا انك بتحرضى ناس المكتب -انا؟ -بتعرفى ابراهيم ومحمد؟ -آى ديل بالضبط زملاى فى المكتب -فى يوم اغبر تحت الشجرة مش انتى القلتى عاد لمتين؟ -آى قلت..... بس -خلاص دى التهمة الجاهزة .... دا التحريض الضد الدولة -عارفة انتى عملتى شنو؟ وعارفة جرحتى شعور منو؟ -انا جرحت شعور؟ شعور منو؟ -سيد وسلوى _نعم؟ -لأنو سيد دة موظف فى ال.... اقصد سلوى موظفة فىال... ومامهم تعرفى عشان نتأكد دايرين نعرف اسمك عنوانك وضعك؟ -اسمى عواطف ساكنة الثورة عندى تلاتة....و..... -تلاتة؟ ابوهم وين؟ -عندى تلاتة ابوهم ميت وبرضو جرحت شعور ناس سيد؟ ابوهم ميت عذبو سجان بربرى زيك مات والناس صبحانة تعيد وبرضو جرحت شعور ناس سيد؟ شفت بريق حدقات اطفالو؟ هى البتهدد عرش السيد هى البتأسس لى يوم بكرة وللمستقبل تبنى تشيد شفت الوعى الدافر وجايى شفت النبت القايم وجيد دة البجهجه ناس السيد وليكم يوم يا ناس السيد ليكم يوم ياناس السيد. اتقدمت للسودانيين فى اكتر من عشرة ولايات امريكية واتسجلت للتلفزيون العربى فى امريكا. ان شا الله تعجبكم بس.
  8. الف مبروك وحمد لله على السلامة
  9. و الله زمان يا ود الرشيد ، وين ايامك وين ، الف حمدا لله علي سلامه العوده ، تحياتي لك ونتمني وجودك الدايم
  10. تمر ونونو وشارس شكرا لكم للمرور العطر, تحياتي
  11. حاجه جميله يا مايسترو وطريقه للاتصال السريع بين الاعضاء , اتمني من الاعضاء الالتزام بضوابط الهاتف , واذا عندهم اي اساله او مشكله انه يستخدموا المنتدي المخصص لذلك , تحياتي للجميع
  12. اهلا و مرحب بيك يا مجاب بيننا , تحياتي
  13. [ name=king2005' date='Jul 11 2009, 06:39 AM' post='175864 وكان قائد حمله الدعايه احد مؤسسى الموقع الغالى صديقى / سودان الذى طالته يد قبيحه وحذف من الموقع فى العهد الفاشى أو عهد الظلمات كما يحلو لى تسميته ... فى مخطط لطمس هويه الموقع ومؤسسيه ولكن الله غالب على امره ولو كره هؤلاء وتحيه ارسلها عبر الفضاء السايبرى للعزيز سودان أو الصادق وذلك اسمه وهوا اسم يوافق المعنى ويدل عليه واقوووول له لعله يسمعنى ..... مشتاااااقين يا صادق يعلم الله مشتاقين يا الصادق وعساك طيب وبخير
  14. ابن اسوان فَلاَ تَعْجَـلْ عَلَيْنَـا وَأَنْظِـرْنَا نُخَبِّـرْكَ اليَقِيْنَــا وَنَشْرَبُ إِنْ وَرَدْنَا المَاءَ صَفْـواً - وَيَشْـرَبُ غَيْرُنَا كَدِراً وَطِيْنَـا أَلاَ لاَ يَعْلَـمُ الأَقْـوَامُ أَنَّــا تَضَعْضَعْنَـا وَأَنَّـا قَـدْ وَنِيْنَـا أَلاَ لاَ يَجْهَلَـنَّ أَحَـدٌ عَلَيْنَـا فَنَجْهَـلَ فَوْقَ جَهْلِ الجَاهِلِيْنَـا وثله منكم كانت تزدرينا فمتي كنتم للعهود حافظينا ا بن اسوان فلا تاسف علينا - من غدر الزمان وما ابتلينا ........... نَحْنُ التَّارِكُوْنَ لِمَا سَخِطْنَـا - َوَ نَحْنُ الآخِـذُوْنَ لِمَا رَضِيْنَـا وطارقا ومشرفينا جَمِيْعــاً بِهِـمْ نِلْنَـا تُرَاثَ المبدعينا حيا الله اصلك وشهامتك ورجولتك يامن لا يخاف قول كلمه حق وشكرا لك. تحياتي العطره
  15. العزيز هيثم , شكرا للكلمات الجميله , و ما اروعك يا من تاتينا كل حين بكل جميل وجديد وتسطر امجادا تلو الاخري , سلمت يداك, تحياتي العطره لك.
×
×
  • اضف...