اذهب الي المحتوي

ibnalneel

نجم مزيكا
  • Content Count

    1703
  • تاريخ الانضمام

  • تاريخ اخر زياره

  • Days Won

    5

كل منشورات العضو ibnalneel

  1. الأخوان أسامة وسيف الإسلام، أرجو الضغط علي أول وصلة موجوده في توقيعي، ضوابط وقوانين المنتدي، وسوف تجدا الرد علي تساؤلاتكما تحياتي
  2. سلامات يا ود السليت، بالنسبة لمشاركاتك إتنقلت لمنتدي عمر الحواري، المشاركات بتنزل في الجدد عشان تتراجع من قبل المشرفين ومن ثم بتم إما حذفها، لو مكرره، أو نقلها. عشان تعرف لو حاجاتك إتنقلت ولا لأ، أضغط علي إسمك واختار "خيارات الملف" علي الشمال وبعدين "البحث عن مواضيع العضو". أما بالنسبه لعدد مشاركاتك، فقد تم عمل اللازم. يا ريت لو تصبر معانا شويه مستقبلا لأنو، وبسبب مشكله ليها فتره في الكونترول، بنعمل الحاجه دي بشكل يدوي، كلما دعت الحاجه لأنو ما ممكن نعملها لأكثر من 18000 عضو بشكل يومي. تحياتي
  3. تحية طيبة يا احمد، عشان تعرف مشاركاتك إتنقلت ولا إتحذفت، أضغط علي إسمك، وعلي شمالك حا تلاقي "خيارات الملف"، أضغط عليها ثم إختار "لبحث عن مواضيع العضو" وبعد داك حا تعرف الحاصل شنو. اي مشاركه لسه موجوده في الجدد معناه لسه ما تم مراجعتها وحا إجيها الدور. شكرا ليك
  4. أسامة، دي القلت ليه فيها إحنا بنسجل البداية والنص والاخير عشان ماعارف شنو....تفك مكنة للأستاذ يارجل تسجيل روعة....أبو خطوه ما قصر معاك ولو محتاج مساعده تانيه إحنا جاهزين....الأغاني بعد ما تقطعهم وتغسلهم، أضغطهم بشكل فردي عشان ما تضغط الفايل وهو كبير جدا بعدين إشوش ليك في الصوت واطلع، بعد الضغط، برضو مكرفس. وما تنسي يا رجل تنزلهم في الجدد واحنا بنجيب بكاسينا وننقلهم لحوش الأستاذ ولو شيكت علي المكرر بتكون ريحت ابوخطوه وزملاؤه شوية وشكرا مقدما
  5. أنا هين يا اسامة، كدي شوف الكتبو ليك "أسامة عنتر" ديل في الأول....قالو لكل مقام مقال، والمقام الفي موضوع ده اعلي من ونستنا، عشان كده تعال لي بي جاي
  6. سلامات يا أسامة، نفس الطريقه البترفع بيها الأغاني بترفع بيها الصور اللهم المرة دي حا تدوس علي Browse، أضف المرفق بتاعك، ودوس عليها تاني عشان تضيف المرفق البعدو. وما فارقة ترفع اي واحده منهم الأول لي قدام
  7. سلامات يا yadeei، حتي اتأكد أني فهمتك صاح، هل بتقصد أنك عملت إشتراك "عضوية" لإبن خالتك ولما جيت تدخل بإسمو ما فتح معاك؟ لو ده الحاصل، إبقي "الصواب" يا عزيزي، أنكم ما تستعملو اسماء بعض، لأنو دي أولا مخالفه لقوانين المنتدي، وثانيا، لو حصل اي شئ سلبي المتضرر حا إكون صاحب الإسم وليس من يستخدمه في لحظتها. نقول الحصل حصل، ونبدأ صفحة جديده. والسؤال الآن هل تم تفعيل العضوية لما إستلمتو الإيميل؟ لو الرد بنعم، رسل لي الإسم السجلتو بيهو في رسالة خاصة وانا حا اشوف الموضوع. شكرا ليك
  8. مرحب بيك يا ابره في مزيكا، في توقيعي في تلاته وصلات، نمرة إتنين وتلاتة فيهم الإجابة علي سؤالك. و بعد البحث، لو لقيت عندك حاجه ما موجوده عندنا، ممكن تنزلها في منتدي مشاركات الأعضاء الجدد. وطالما إنت بهناك، بالمره كده مر علي ضوابط وقوانين المنتدي. يمكنك أيضا الإستعانة بفهارس الأغانى الصوتية و الفيديو
  9. سلامات يا ود الرشيد، ماعارف إذا كان ود محجوب بقصد البرنامج المرفق ده ولا لأ، لكن انا، لحدت حسه أي نصيبه رميتها فيه حولها، الصورة المرفقه فيها شرح وافي. وزي ماقلت ليك لحدت حسه حول لي اي حاجه جربتها، ماعدا الشي حقك ده، وكان ما بخاف الكضب كنت اقول ليك كان رميت فيه عملة بحولها ليك، كدي جرب، إنت وراك سفر وكده أي سؤال....قول عوك WidowsMediaConverter.zip
  10. الأعزاء والعزيزات جميعا، اخيرا تم حل مشكلة رفع المرفقت للموقع...نشكركم لصبركم وطول بالكم معنا ونعتذر عن هذا العطل والذي كان خارج عن إرادتنا. مع تحيات أسرة ومشرفي مزيكا
  11. سلمات يا بكور وآسف للرد المتأخر....بالنسبه للبرنامج المذكور، لو ما عندك إهتمام خاص بالبرنامج المذكور، وطالما عندك صعوبه في تنصيبو، ممكن تشوف برنامج غيرو من العندنا هنا. الكثير من البرامج دي ممكن إديك نفس الحاجة، زي ده مثلا. ولو محتاج مساعده في أي حاجه تانيه إحنا تحت الخدمه... ولك كل الود والتقدير
  12. شكرا ليك يا جمال....المشاغل هي البتخلينا نقصر في حق الأعضاء أحيانا، لكن البركة فيك يارجل.....دايما سداد
  13. فرحة كبيره وشرف أكبر بإنضمام نجم ساطع مثل الأستاذ عاصم البنا. نتمني أن تطيب لك الإقامة، في مزيكا، بين محبينك ومعجبينك ونحن أولهم. وخالص الأمنيات بكل التوفيق في مشوارك الفني والذي أصبح عامر بإبداعاتك وفنك. والشكر موصول للعزيز ممدوح ولكل مجهوداته
  14. رنة الأوكورديون لسه عايزه ليها صنة. أما بالنسبة للشتم، فدا يا عزيزي الفاضل عبارة عن قطعة إيقاع شعبي صغيرة ممكن تقول دلوكة زغمبووووتة، وبرضو بتجلد بجلد الماعز، لكن عادة بكون طرفها الآخر مغلق، ما مفتوح زي الدلوكة، عشان كده كان بحتاج لأداة معينة لكي تستعمل للطرق عليه ودي في العاده كانت قطعة من جريد النخيل أو غصن شجرة، أو قطعة جلد مجففة ومقوية. وفي العاده كانو بيستخدمو إتنين مع الدلوكة لتكملة وتنويع الإيقاع؛ زي ما بستعملو، حاليا، البنقز والدونابس. اها أمشي بحت اكان تلقي ليك تسجيل فيه إيقاع الشتم... وتكون بالغت لو جبتو ولك كل الود والتقدير
  15. من مشاركات بإيقاعات "الدلوكة"، شايفك مشيت لإيقاعات "صينية" كمان.....عقبال إيقاعات "الشُتمْ" تعرف يا 39steps، الصينيين بيستعملو نفس سلمنا الموسيقي وعشان كده في تشابه كبير في الإيقاعات....وفي حته تانية، ، أغلب الناس الغير متعودين علي الألحان السودانية بتفتكرها ألحان هندية، لنفس السبب. شكرا ليك ولكل مجهوداتك معانا
  16. الاخوه الاعزاء المتداخلين جميعا، تحية طيبة وكل عام وانتم بخير. أولا، ارجو أن تقبلو إعتذاري عن الرد المتأخر. ثانيا، أود أن أوضح بعض النقاط. كل الظروف التي تمرو بها يمر بها الكثير من الأعضاء، ولكن هناك فرص كثيره للمشاركة. مع العلم أن إدارة المنتدي، وهذا موجود في القوانين، لها الحق في تغيير او ترقية عضوية من تراه مناسبا من الأعضاء، واقصد بذلك أنه هناك الكثير من الفرص والتي قد تؤهل العضو للتقدم للأمام في المنتدي. هناك فرص كثيره للمشاركات، وليس من الضروري ان تكون كلها أغاني. بشكل عام، نحن نتابع ونهتم بنشاط العضو بغض النظر عن عد مشاركاته، هناك من تقدم للأمام بسبب نوعية المشاركات، وليس عددها. بالنسبه للتبرعات، فالباب مفتوح للجيمع؛ بالطبع، هناك مرتبة خاصه لمن دعمونا ماديا بدليل المجموعة المسمية "أصدقاء المنتدي"؛ وليست لنا أية شروط بالنسبه لتحديد المبلغ. ولكم كل الود والتقدير
  17. كلام تمام يا باشمهندس....وحا افوت ليك "جدك" دي!!
  18. بتفق مع طارق هاشم ومع عمرو في القالوه الكلام ده حا إجيب كلامات واعمار وحاجات تانيه حامياني ويا moonlight الكلام ده تقريبا كلو موجود بس موزع، وانا جبت كلامك هنا وحا اعلق ليك عليه علي قدر ما اقدر: - تاريخ افتتاح المنتدى شوف التاريخ السجل فيه طارق هاشم في البروفايل بتاعو -اول أغنية او مشاركة تم تنزيلها إحمتال كبير إكون برضو طارق هاشم - اول مشارك ماعارف ليه عندي إحساس انو طارق هاشم - اكبر عدد مشاركات لعضو بجيك راجع ليها - اندر المشاركات موجوده في النادر...سغالة شديده، مش؟ - عدد المشرفين في قائمة الأعضاء - عدد الاعضاء حتى تاريخه انزل لحدت الأخير في الصفحة الرئيسية - اطول عنوان بكون الكتبو نستا ده زااااتو - اقصر عنوان طارق هاشم لسه ماكتبو - اصغر المشاركين عمرا ان وجد دي عايزه ليها سؤال يارجل، طبعا أنا - شيخ المشاركين ( اكبرهم ) ان وجد زي ماقال ليك "عمك" طارق هاشم فوق - الذين تعاقبوا على رئاسة المنتدى من متين شفت ليك رئاسة بفكوها او بتعاقبو عليها في أي حته في أي دولة عربية...حسه سمعنا أنو رئيسنا بحضر في ولدو عشان ياخد الخلافة، زي ناس في دول اخري وكده - تسلسل مراحل المنتدى دي كبيرة علي، لكن اسأل طارق هاشم
  19. تم عمل اللازم هنا برضو اخونا العزيز المسافر، دي فاتت عليك...الإتنين تبعك حالتو ده قبل رمضان
  20. صدقني عندما اقول لك ظليت ابحث بين اوراقي علي كلمات هذه القصيده حتي وجدتها....جئت هنا لأكتبها فوجدتك؛ كالعاده؛ سبقتني في كتابتها فألف شكر يا رائع. من منا يا عبد المجيد لا يملك نفس هذا الإحساس؟؟ لك كل الشكر مره اخري لكل مساهماتك القيمه وبالذات في موضوع القصص الغنائية عند الشايقية....
  21. تسلم ياعبد المجيد علي الاسلوب والماده المختاره...انا نشأت في بيت يملأه الفن والشعر؛ ولكني دائمآ كنت ومازلت اميل إلي القصائد والغناء الشايقي...فيهو حنيه مبالغ فيها....لا اذكر إسمها الآن ولكن هناك اغنيه من ام لإبنها والذي سافر ليغترب....لا اكذب عليك عندما اقول ان العبره بتخنقني كلما سمعت هذه الاغنيه وبالذات لأنو اول مره سمعتها كانت إهداء من الوالده.....قمه في الروعه والوصف. ارجو ان لا تنقطع عن الكتابه في هذا الموضوع....
×
×
  • اضف...