اذهب الي المحتوي

الإدارة

نجم مزيكا
  • Content Count

    598
  • تاريخ الانضمام

  • تاريخ اخر زياره

كل منشورات العضو الإدارة

  1. ابكى ليك ولا تشكى لى يا ود عبدالرؤوف...الله يرحمنا برحمته بس...
  2. مرحب بيك أخوى NaMeLeEs سؤالك نكأ الجروح القديمة... كدى أوريك الأنحن بنحلم بيهو فى الموقع ده: بنحلم انو اى فنان من الجيل الحديث و ما دون ما يكون عنده أى أغنية مكررة وده بيشمل الشباب و البنات و ماشاكل ذلك......يعنى تسجيل مختلف او تسجيل من حفله او خلافه...لأنه الفنان موجود و القصة ما حتخلص... طبعا ده بيعنى واحده عود وواحده أوركسترا فقط... لكن نجى للرواد و أهل الحقيبة القديمة والجيل الأول البشمل مصطفى سيد أحمد و هاشم ميرغنى......معظم الفنانين توفوا رحمهم الله و نوادرهم كل ما نلقى طريقة نجمع أكبر كم منها بنجمعه...او كلما نلقى تسجيل مطابق لكن أنضف بنجيبه...او اتغنى بطريقة مختلفه فعلا بنجمعه و نوثقه...اما الرواد الموجودين الله يطول فى عمرهم... عندك مثلا ابواللمين...حفلته الأخيرة السجلها أخونا عادل...مافى شك انه الباشكاتب اضاف عليها بعد جديد...وخت فيها خبرة سنينه كلها...دى ما بنقول و الله عندنا قبل كده...وبنحرص على توثيقها لينا و للأجيال القادمه... ملخص كلامى انو الناس تتوخى الحذر الشديد قبل ما تكرر اغنية...لأنه مصيرها المسح من قبلنا اذا ما وافقت خط المنتدى... ارجو انى كنت مفيد فى ردى على سؤالك... قبانى...
  3. الفرحة فرحتنا يا فنان...مرحب بيك استاذ فى مجالك...وفنان تنحنى القمة لفنك...وأخ عزيز من بيت اصيل...التحية مرة تانية و نورت بيتك يا ود البنا.
  4. انضم لموقعنا الفنان الأصيل صاحب الصوت الأصيل الأستاذ عاصم البنا...وشرفنا بزيارته لموقعنا الأسبوع الماضى...وابدى اعجابة الشديد برسالة الموقع و ما يحتويه من درر...وعاصم حقيقة من البتعدوا على اصابع اليد الواحده ...لأنه امتداد حقيقى لجيل العمالقة و الرواد...ومن القلائل الأضافوا على المغنى الأصيل حلاوة و بعد يشجى و يسلب القلوب... انا شهادتى مجروحة فى ود البنا لأنى من أشد معجبينه ومن الأصوات البسمعها يوميا..." هو و سميرة دنيا " من الجيل ده...وطبعا عاصم اظنه دفعه او حوالينا... رحبوا معاى بالعملاق عاصم البنا...ونتمنى نشوفه يوميا فى موقعنا..."طبعا ده الطمع " ...وانحنا بنقول لي عاصم مزيكا نورت...وكندا حتنور عن قريب...وفى انتظارك و انتظار اتصالك يا ملك.... الشكور موصول لمشرفنا الرائع ممدوح القام بالأتصالات و الرحلات اللازمة لتعريف ود البنا بالموقع..
  5. مجهود اكتر من مقدر يا جمال. ..وانا عارف حتكون عملت مجهود خرافى عشان تصل للحته دى..والحمد لله بداية كويسة جدا... وانا عارفك زعلان المونتاج ظلمك و ظلم المادة... لكنها البداية و انشاء الله مستمرين فى التوثيق... وزى ما قالوا اهلنا الخواجات...slowly but surely
  6. أكبرهم سنا و عقلا يا موونلايت وحياتك... بس ما بتدى حريف....لكن من أجل عيون مزيكا كله يهون.... صاحب الفكرة وبدون شك عمنا طارق هاشم.... سبب الفكرة او الوحى جاهو كيف......ده انا بحتفظ بيهو لي نفسي... أدارة الموقع... زى ما قال ليك ماجد...الا يموت الرئيس...زى حال بلادنا... اي نعم عندنا ديموقراطية...بس ديموقراطيتنا ليها انياب زى ما قال السادات.... صاحب أكثر مشاركات... و اندرها...بدون منازع الحبيب جمال دفار ... والذى يتمتع بزيارة الأهل فى السودان الأيامات دى...والدليل الأذاعة الهولندية... تسلسل مراحل المنتدى....كنا وين و بقينا وين.. تعرف يا مون لايت.... لما رفعنا زى 100 غنية و القصة بقت فيها 200 ميقا.فى اول اسبوعين تلاته..تلفون من عمك طارق آخر الليل بيقول لي القصة دى كبرت شديد...وشكلها ماشي .... الآن اللهم لك الحمد وصلنا فوق ال 100 جيجا بفضل مجهوداتكم و سهركم...ولسه...ترانا ماشين... صاحب انظف و اجود تسجيلات عمك يحي قبانى...و الحبيب محمد محجوب....وبعد داك بي مساااااافة بيجوا الباقين ملوك الفيديو... مونلايت...سيمباتكو سابقا.. ..عادل...دفار...ود المهدى...معتز.. .. وحكون ظلمت كثيرين... عدد المشرفين...قول ما شاء الله اضرب الواحد فى عشرة... اجمل فريق أشرافى على الأطلاق... تفاهم...و شغل جادى...وذوق عالى.يعنى بالله ترفع الكورنر تلقى حتى الثيردباك ناطى بالهد..تفاهم ما عادى..... وقدرنا بحمد الله نغطى كل الأجيال...من رواد...وديل متخصص فيهم عمك الكوبي..وعمك قبانى و أخوك الكبير دفار...وجدك ماجد... وطبعا ما بخفيك سرا...بي تحت تحت عندنا مستشارين لما القصة تزنق...وطبعا عادل السبلوقة على رأس المستشارين ...يديك حقيبة و رواد زى ما انت داير...موسوعة ما شاء الله... وطبعا مستشارنا المشرف الرايع الليندى المتخصص فى الجيل الأول وخصوصا ابو السيد...وجميلة الجميلات... بين جيل أول وبين رواد...والكنترول ما عندها لكن.. وطبعا جيل الشباب مغطى كله بالمشرفين الفنانين الشباب... الحمد لله... أصغر عنوان...كتبه لينا واحد كان زعلان....لأنه كان شابكنا مشكووووووووووور...وروووووووووووعة عشان يزيد عدد مشاركاته ويدخل المنتديات الكبيره...وكنا بي وراهو بنمسح مشاركاته أول بي أول...وعمره ما وصل 5 مشاركات حتى...لكنه ما استسلم...واظنه مره دقسنا من المسح و الريكاونت...وجا صاحبنا آخر الليل...كوبي اند بيست كتب مشكوووووووور زى 100 مرة...وقدر يخش معظم المنتديات... اها بعد ما شال الشاله... كتب موضوع فى البرنده وكان عنوانه " طظ "...وكتب لينا انه شال الدايره و ما داير مننا حاجه تانية...وطبعا ما قصر قال كلمتين تانين الرقابة ما بتسمح بيهم... وده كان أقصر عنوان... صاحب أطول عنوان غالبا " الزميل " نستا... بالله طلعت زميل يا نزار...مش تكلمنا... اما عجايز الموقع والذين يعتد بهم...ولهم الوزن الكبير حين الحاجة الى حسم أغنية غناها سرور فى ناصية دكان...او ترنم بيها الكاشف فى سوق الخدار... ديل بقي ناس عمك عز الدين حسن عبد الباسط...عمك أكبيبا...خالك نادر الفضلى...وخالك مامون...وخالك معاوية حسن... وعمك عبد الجليل المكى و عمك رأفت ميلاد والدكتور مجدى اسحق ودكتور راشد الحاج...وعمك سمير محمود...ياسر عبدالله. والزوووول.. و غيرهم.... وللحديث بقية.....
×
×
  • اضف...